پەیامی سەرەخۆشیی «پارتی لیبراڵ دیمۆکراتی کوردستان» بە بۆنەی کۆچی دوایی سیناتۆر لیندزی گراهام.

بنەماڵەی بەڕێزی سیناتۆر لیندزی گراهام

ئەندامانی بەڕێزی ئەنجوومەنی پیرانی ئەمریکا

بە خەمێکی قووڵەوە، هەواڵی کۆچی دوایی سیناتۆر لیندزی گراهام، ئەو سیاسەتمەدارە پایەبەرز و دۆستە دڵسۆزەی گەلی کوردمان پێ گەیشت.

ناوبراو لە ماوەی کاروانی سیاسیی خۆیدا، پشتیوانێکی بەردەوام وماندوویی‌نەناسی خەباتی گەلی کوردستان بوو، بەتایبەت لە مەیدانی داکۆکیکردن لە مافەکانی مرۆڤ، چەسپاندنی دیموکراسی و بەرگریکردن لە بەهاکانی ئازادی لە ناوچەکەماندا.

سیناتۆر گراهام نموونەی سیاسەتمەدارێکی خاوەن هەڵوێست و بەئەخلاق بوو؛ ئەو هەمیشە هەوڵی بێوچانی دەدا بۆ پتەوکردنی پردی پەیوەندیی نێوان گەلی کوردستان و ویلایەتە یەکگرتووەکانی ئەمریکا. بێگومان، کۆچی دوایی ئەم کەسایەتییە، کەلەبەرێکی گەورە لە دۆستایەتیی نێوان گەلان و بۆ هەموو ئەو ئازادیخوازانە دروست دەکات کە بڕوایان بە بنەماکانی دیموکراسی و مافی مرۆڤ هەیە.

لەم ساتە پڕ لە خەمەدا، ئێمە لە «پارتی لیبراڵ دیمۆکراتی کوردستان»ـەوە، پرسە و سەرەخۆشیی قووڵی خۆمان ئاراستەی بنەماڵە بەڕێزەکەیان، ئەنجومەنی پیرانی ویلایەتە یەکگرتووەکانی ئەمریکا و تەواوی گەلی دۆستی ئەمریکا دەکەین.

پارتی لیبراڵ دیمۆکراتی کوردستان
٢٢پووشپەری ٢٧٢٦ کوردی