پەیامی پیرۆزبای پارتی لیبڕاڵ دێموکراتی کوردستان بە بۆنەی ساڵی نوێ زایینیەوە.

سڵاوێکی شۆڕشگێڕانه

ب / بروسکەی پیرۆزبایی

جه‌ماوه‌ری تیكۆشه‌رو کۆمه‌ڵانی خه‌ڵكی تێكۆشه‌ری ڕۆژهه‌ڵاتی كوردستان

بە بۆنەی بە ساڵی نوێ زایینیەوە پیرۆزبایی خۆمان ئاراستەی هەموو مەسیحییەکانی کوردستان و جیهان و  گەلی کورد دەیەین و هیواداری  ساڵی تازە، ساڵی خۆشی و شادی و کامەرانی بێت بۆ گەلەکەمان ، ساڵە یەکگرتووی و یەکرێزی گەلەکەمان بێت بۆ سەکەوتن بە سەر ئەو ئاستەنگەی کە بۆنەتە بەربەست بۆ گەیشتن بە مافە نەتەوەیەکانمان.

هاونیشتمانیانی خوشەویست وەک هەموو لاێە ک ئاگادارن نیشتمانی ئێمە بە قوناخێکی هەستیاردا تێدەپەرێت و داگیرکەرانی خاک و نیشتمانی ئێمە توشی قەیرانی تاقەت پرووکێن بوون و کۆشکەکانیان لە هاڵی رۆخان داێە، بۆێە ئەرکە لە سەر شانی هەموو هێزە نیشتمانی و شورشگیرەکانی کوردە ساڵی نوێ بکەنە هەوێنی ئاشتی و یەکیەتی و ئاگری لە سەر پشتی داگیرکەران و دوژمنانی کورد بکەنەوە.

هاووڵاتیانی خۆشەویست، نیشتمانپەروەرانی دڵسۆز، هەتاکو وەرزی زستان تێ نەپەڕێنین، بەهار و وەرزی جوانی و ڕازاوەیی سرووشت ڕوومەتی گوڵان ناپشکووێت و دارستان چرۆناکات، بەهەمان شێوە تاکو قۆناغە دژوارەکان و دۆخی ئاڵۆز و مەترسیدار تێپەڕنەبێت ڕزگاری یەکجارەکی و سەربەستیی و دادپەروەری کۆمەڵایەتی بەدەست نایەت. با هەموومان ساڵی نوێ بەکینە هەوێنی ئاشتی و ئاشت بونەوە  وەک سروشتە جوان و رەنگینەکەی وەڵات دەست لە نێو دەست بە پشت بەستن بە یەک و لە پێناو ئامانجی پیروز یەک دەنگ و یەکگرتوو لەگەل و نوێبوونەوەی سروشت بە تین و گڕێکی نوێ، دڵی داگیرکەران وەلەرزە بێنین و خەبات و تێکۆشانمان لە هەموو بوارەکاندا یەک بخەین و بەرەو پێش ببەین بۆ گەیشتن بە مافە نەتەوایەتیەکانمان لە پێناو ژیانێکی نوێ و ئازادی و سەربەستی گەلەکەمان.

جارێکی دیکە بە ناوی  پارتی لیبرال دیمۆکراتی کوردستانەوە گەرمترین وگەشترین پیرۆزبایی خۆمان ئاراستەی هەموو مەسیحییەکانی کوردستان جیهان و  گەلی کورد دەیەین. 

پارتی لیبڕاڵ دێمۆکراتی کوردستان

ئەنجومەنی سەرکردایەتی
٧بەفرانباری ٢٧٢٥کوردی