بەپێی ڕاپۆرتێکی ماڵپەڕی «ئاکسیۆس»، هەفتەی ڕابردوو فەرماندە سەربازییەکانی ئیسرائیل، ویلایەتە یەکگرتووەکانی ئەمریکا، عەرەبستانی سعوودی، میرنشینە یەکگرتووە عەرەبییەکان، بەحرەین، کوێت، قەتەر، ئوردن و میسر بە شێوەیەکی نهێنی لە ئەڵمانیا کۆبوونەوە.
ئەم دانیشتنە کە لەلایەن فەرماندەیی ناوەندیی ئەمریکا (سێنتکۆم)ـەوە ڕێکخرابوو، تەرکیزی خستبووە سەر شەڕی دژی ئێران، ئاسایشی ناوچەکە و دابینکردنی سەلامەتیی هاتوچۆی کەشتیوانی لە گەرووی هورمز.
بەپێی زانیارییەکان، «ئەیال زەمیر» فەرماندەی سوپای ئیسرائیل، ڕاپۆرتێکی سەبارەت بە چالاکییەکانی ئیسرائیل لە چەند بەرەیەکدا پێشکەش بە ئامادەبووان کردووە.
لەوەش گرنگتر، ئیسرائیل و عەرەبستانی سعوودی ئێستا لە ڕێگەی سێنتکۆمەوە سەرقاڵی تاوتوێکردنی ئەو ڕێکارانەن کە ئیسرائیل بتوانێت لە ڕووبەڕووبوونەوەی حووسییەکاندا هاوکاریی ڕیاز بکات، بەتایبەت لەو کاتەی حووسییەکان هەڕەشە لە گەرووی باب ئەلمەندەب دەکەن.
.webp)
.jpg)
.webp)
.jpg)
.webp)
