دەستبەسەرکرانی هاووڵاتیی خاوەن پێداویستیی تایبەت.

بە پێی ڕاپۆرتی هەنگاو، محەممەد پەروازە، تەمەن٣٠ ساڵ، باوکی سێ منداڵ و خەڵکی گوندی «نێ» سەر بە مەریوان، ماوەی ٣٩ ڕۆژی ڕابردووی لە دەستبەسەرگەی ئەم شارە تێپەڕاندووە و دۆخی یاسایی ناوبراو نادیارە.

بە وتەی سەرچاوەیەکی ئاگاداری نزیک بە بنەماڵەی محەممەد پەروازە، ئەم هاووڵاتییە سەرەڕای ئەوەی کە خاوەن پێداویستیی تایبەتە، سەرپەرشتیاری دایک و خوشکەکەی خۆیشی لە ئەستۆدایە.

ئەم هاووڵاتییە لە ماوەی یەک مانگ و حەوت ڕۆژی ڕابردووەوە لە سەرەتاییترین مافی خۆی وەک دەستپێڕاگەیشتن بە پارێزەر و هەروەها چاوپێکەوتن بێبەش بووە.

محەممەد پەروازە ڕۆژی چوارشەممە ١ی گەلاوێژ، لە گوندی نیشتەجێی خۆی دەستبەسەر کرابوو.