سزای بەندکران، دوورخستنەوە و لێدانی قامچی بەسەر نیما شیریدا سەپا.

بەپێی ڕاپۆرتی ڕێکخراوی مافی مرۆڤی «هەنگاو»، نیما شیریی تەمەن ٢١ ساڵ، لەلایەن لقی ١٠٦ی دادگای سزای دووی شاری ئاشخانەوە، بە سەرۆکایەتیی دادوەر مورادی، سزای یەک ساڵ بەندکران، یەک ساڵ دوورخستنەوە بۆ شاری زاهیدان و لێدانی ٧٤ قامچیی بەسەردا سەپاوە.
ئەم هاووڵاتییە لە ١٤ی بەفرانباری ١٤٠١دا، لە کاتی ناڕەزایەتییەکان لە شاری بۆجنۆرد لەلایەن هێزە حکوومەتییەکانەوە دەستبەسەر کرابوو.
ناوبراو دوای دوو ڕۆژ، بە دانانی بارمتە و تا کۆتاییهاتنی قۆناغەکانی دادگایی بەشێوەی کاتی لە بەندیخانە ئازاد کرابوو.