وریشە مورادی، زیندانیی سیاسیی کورد، ئامادە نەبوو بچێتە بەردەم دادگا.

بەپێی ڕاپۆرتەکە، پارێزەرانی وریشە مورادی لە دادگا ئامادە بوون، بەڵام ئەبوڵقاسم سەلەواتی، سەرۆکی لقی ١٥ی دادگای شۆڕش، بەهۆی ئامادەنەبوونی ناوبراو، دانیشتنەکەی بەڕێوە نەبرد. وریشە مورادی لەلایەن هەمان لقی دادگا و بە سەرۆکایەتیی دادوەر ئەبوڵقاسم سەلەواتی، بە تۆمەتی «بەغی» یان سەرهەڵدانی چەکداری دژی کۆماری ئیسلامی، سزای لەسێدارەدانی بەسەردا سەپێنرابوو؛ بەڵام لقی نۆیەمی دیوانی باڵای وڵات بەهۆی کەموکوڕی لە لێکۆڵینەوەکان و جێبەجێنەکردنی ڕێوشوێنە یاسایییەکان، سزاکەی هەڵوەشاندەوە و دۆسیەکەی بۆ پێداچوونەوە گەڕاندەوە بۆ دادگای شۆڕش.