پەیامی پیرۆزبایی بەبۆنەی ساڵ یادی دامەزرانی " حیزبی رزگاری کوردستان"

بەرڕێزان سکێرتێری گشتی، ئەندامانی ئەنجومەنی سیاسیی ،ئەندامان و لایەنگرانی  حیزبی ڕزگاریی کوردستان

بابەت: پیرۆزبایی ساڵیادی دامەزراندن

 سڵاوێکی شۆڕشگێڕانە

بە بۆنەی تێپەڕبوونی سی و چوار ساڵ بەسەر دامەزراندنی «حیزبی ڕزگاریی کوردستان»دا، گەرمترین و پڕهەستترین پیرۆزبایی خۆمان لە «پارتی لیبڕاڵ دێمۆکراتی کوردستان»ەوە ئاراستەی ئێوەی بەڕێز، سکێرتێری گشتی ، ئەندامانی ئەنجومەنی سەرکردایەتی، هەموو تێکۆشەران، ئەندامان و لایەنگرانی حیزبەکەتان دەکەین.

هیوادارین ئەم یادە ببێتە دەستپێکێکی دیکە بۆ پتەوترکردنی گیانی تەبایی و بەردەوامیی خەبات لەپێناو دابینکردنی مافە نەتەوەیی و دێمۆکراتییەکان لە کوردستاندا.

جێگەی خۆشحاڵییە کە دەبینین حیزبەکەتان لە ماوەی کاروانی تێکۆشانی خۆیدا، بە ئیرادەیەکی پۆڵایینەوە درێژەی بە ڕێبازی سیاسی و نیشتمانیی خۆی داوە.

 لەم یادە شکۆدارەدا، بەوپەڕی ڕێزەوە سڵاو بۆ گیانی پاکی شەهیدانی ڕێگەی ڕزگاری دەنێرین و هیوای سەرکەوتن و پێشکەوتنی زیاتر بۆ ئێوە و سەرجەم ئەندامانی حیزبەکەتان دەخوازین.

 هەردەم سەرکەوتوو و سەرفراز بن.

پارتی لیبراڵ دیمۆکراتی کوردستان

٢٠ی گەلاوێژی ٢٧٢٦ کوردی