شەهیدان هێما و ناسنامەی نەتەوەکەمانن، پەیامی سەرەخۆشیی پارتی لیبڕاڵ دیموکراتی کوردستان .

بەبۆنەی شەهیدبوونی شەش پێشمەرگەی قارەمان لە هێرشە مووشەکییە دوژمنکارانەکەی کۆماری ئیسلامیی ئێران بۆ سەر بارەگاکانی فەرماندەیی (فیرقە)ی ٧ و فەرماندەیی ٥ لە ناوچەکانی سۆران و سپیلک، پرسە و سەرەخۆشیی گەرمی خۆمان ئاراستەی بنەماڵەی سەربەرزی شەهیدان، فەرماندەیی هێزەکانی ٨٠، وەزارەتی پێشمەرگە و حکومەتی هەرێمی کوردستان دەکەین.

ئەم دەستدرێژییە دوژمنکارانەیە کە دوورە لە هەموو بنەمایەکی مرۆیی و مافی هاوسێیەتی، جارێکی دیکە ئەوەی سەلماند کە کۆماری ئیسلامیی ئێران لە سیاسەتە دژەوردەکانی بەرامبەر بە نەتەوەی کورد و هەرێمی کوردستان بەردەوامە. پێشمەرگەکانمان بە خوێنی پاکی خۆیان، پارێزەری خاک و شکۆی نیشتمانن و ئەم قوربانییە مەزنەیان هەرگیز لە یاد ناکرێت.

بە ناوی پارتی لیبڕاڵ دیموکراتی کوردستانەوە، جارێکی دیکە هاوخەمیی قووڵی خۆمان بۆ بنەماڵەی شەهیدان، وەزارەتی پێشمەرگە، تەواوی هێزەکانی پێشمەرگە و هەموو گەلی کوردستان دووپات دەکەینەوە و هیوای زوو چاکبوونەوە بۆ بریندارەکان دەخوازین.

شەهیدان هێما و ناسنامەی نەتەوەکەمانن. سەربەرزی بۆ شەهیدانی ڕێگای ڕزگاری و سەربەخۆیی کوردستان.

بڕووخێ کۆماری پەت و سێدارە

پارتی لیبڕاڵ دیموکراتی کوردستان

٤ی خاکەلێوەی ٢٧٢٦کوردی