وەزیری دەرەوەی پێشووی ئەمەریکا: ئێرانییەکان نە حكوومەتێكی دینییان دەوێت، نە پاشایەتی.

لەم وتارەدا مایک پۆمپیۆ بە ئاماژەدان بە هەوڵەكانی دۆناڵد ترەمپ و ئیسرائیل بۆ لاوازکردنی هێزی بە وەکالەتی کۆماری ئیسلامی و شەڕی ١٢ ڕۆژە نووسیویەتی: کۆماری ئیسلامی ئیتر ئەو دەسەڵاتە ناوچەییەی پێشوو نییە و ئێستا لە هەموو بەرەیەکدا ڕووبەڕووی قەیران بووەتەوە . ژێرخانی نیزامیی ئێران زۆر لاواز بووە و بەرنامە ئەتۆمییەكەی زیانێكی زۆری بەركەوتووە. تۆڕی هێزە بەوەكالەتەكانیشی لە سەراسەری ڕۆژهەڵاتی ناوەڕاست خەریكی لەنێوچوونن.

ناوبراو زیادی کرد: بارودۆخی ناوخۆ تاریکە، بە هۆی خراپ بەڕێوەبردنی درێژخایەنی ئابووری، گەندەڵی، و گۆشەگیریی نێودەوڵەتی، ئابووری لە پشێویدایە و وڵات ڕووبەڕووی کەمیی ئاو بووەتەوە، “دەسەڵات کە شەرعیەتی جەماوەری نەماوە و توانای دابینکردنی پێداویستییەکانی خەڵکی نییە، تەنیا ڕێگەیەك بۆ مانەوەی حوكمڕانییەكەی لە ڕێگای ترسە.

مایک پۆمپیۆ هەروەها گوتی: گەلی ئێران لە شەپۆلە یەک لە دوای یەکەکانی ڕاپەڕینەکاندا زۆر بە ڕوونی نیشانیان داوە. "ئەوان نە حكوومەتی دینی و نە پاشایەتییان ناوێت، کۆمارێکی ئازاد و دیموکرت و وڵامدەریان دەوێت."